विचार

जीवनातील या प्रवासात

विचारांचा असे भारी थाट

नको नको म्हणून सुंध्दा
डोक्यामंध्ये घालतात घाट

कधी असतात घरातल्यांचे
असतात कधी बाहेरच्यांचे
काही मनाला चिटकून राहतात
काही ऊगाचच येऊन जातात

विचारांच्या चक्रिवादळात

जीवन नौका भरकटून जाते

किनारा शोधता शोधता

आयुष्यच सारे निघून जाते

विचारांनाच्या संस्कारांना

सुविचारांची असते साथ 

अविचारांच्या घराला फक्त

तिरस्करांचे कुंपण असते

विचारांना ही मर्यादा असतात

नियमांच्या ही बेड्या असतात

तोडल्यातर विनाश असतो

पाळल्यातर विकास होतो

भूतकाळांतल्या विचारांने

भविष्याची काळजी वाटते

वर्तमानामंध्ये जगण्यासाठी

आयुष्यच पणाला लागते

विचारांचे काही वेगळेच असते

समजण्याच्या पलिकडे असते

इतरांचे ते वाईट दिसतात

आपले मात्र चांगले वाटतात